مـنتدى حبلـيزاوي
منتدى حبليزاوي يرحب بضيوفه الكرام

مـنتدى حبلـيزاوي

منتدى علمي ثقافي
 
الرئيسيةالبوابةاليوميةبحـثالتسجيلدخولس .و .جمكتبة الصورالمجموعات
منتدى حبليزاوي يتمنى لجميع زواره دوام الصحة والعافية وقضاء أوقات سعيدة ومفيدة بالمنتدى
سبحان الله وبحمده عدد خلقه ورضا نفسه وزنة عرشه ومداد كلماته سبحان الله وبحمده سبحان الله العظيم
لا إلَهَ إلاَّ الله وحْدَهُ لا شَرِيكَ لَهُ، لَهُ المُلْكُ ولَهُ الحَمْدُ يحيي ويميت وهُوَ على كلِّ شيءٍ قَدير، سُبْحانَ الله والحَمْدُ لله ولا إله إلا الله والله أكبر ولا حَولَ ولا قُوةَ إلا بالله"

شاطر | 
 

 هل من جواب ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mohamed Habliza
Admin


عدد المساهمات : 301
تاريخ التسجيل : 13/11/2010
العمر : 48
الموقع : بلدية البطائح - إمارة الشارقة - دولة الامارات العربية المتحدة

مُساهمةموضوع: هل من جواب ؟    الأحد 06 سبتمبر 2015, 10:05 am

هل من جواب ؟

*******************

لما تيجي الضربة جامده  مـ العدو لازم أكيد هتتوجع

ولو مقولتش أي أاااااه أكيد هيقولوا عليك جدع

طب تعمل إيه لو الضربه إللي جاتك جاتك مـ الحبيب

والحل إيه لو الضربة إللي جاتك كانت قدام الغريب

والغريب نِفسه فـ جنازه يشبع فيها لطم وعايز أي ضربة فيك تصيب

لكن هنعمل إيه .. قالوا زمان دي قِسَم وده نصيب

وجابوا اللوم على الزمن

جابوا اللوم على الزمن لكن الزمن من فِعلِنا طاهر برئ

قالوا جرئ

ومين إللي قال إن النميمة والتبَلِّي شئ جرئ

طب ليه نخللي الناس تِهيج وتاكل بعضها زي الحريق

طب ليه نجاري الموج والنفاق يكون لنا هو الطريق

يطعنوك في الضهر بالكلام  ويكدبوا . لأ وإيه مش عايزين يسمعوا حتى المَلام

شئ غريب !!! والله غريب !!! يطعنوك فــ الضهر وقدامك مَادِّين إيديهم بالسلام

لكن السلام مش سلام الإيد والأحضان والإبتسام

السلام هو سلام النفس وَيَّا النفس والاحترام

السلام هو انك يكون بينك وبين نفسك سلام لمَّا تكون عايز سلام

السلام هو انك تحب الخير لكل الناس وتصون لسانك عن الكلمة الحرام

الغيبة حرام .. النميمة حرام .. الفتنه حرام .. الكذب كمان والإفتراء طبعاً حرام

ليه بتبقى في العلن باين نضيف

لأ كمان عايز تِبان إنك عن الفتنه كفيف

طب ليه بينك وبين نفسك منتش عفيف

متصون لسانك يا أخي وإكسب ثواب

ليه تولع الدنيا بين الأهل والحبايب والصحاب

ليه تحط النار على البنزين لأجل ما تصبح خراب

هو فيه إنسان سَوِي يقدر يعيش وِسط الضباب

ولَّا فيه إنسان سَوِي يقدر يعيش حياته زي عيشة الكلاب

ولَّا فيه إنسان سَوِي يقدر يعيش وهو عاطي ضميره إذن مفتوح بالغياب

ولَّا فيه إنسان سَوِي يوم القيامه ضامن إنه يِسْلَم مـ العقاب

ولَّا حد عارف عمره كام وإمته ممكن يندفن تحت التراب

ولَّا حد ضامن إنه يدخل جنة ربنا من غير حساب

هل من جواب ؟

 

&&& كلماتي &&&

*** محمد حبليزه ***
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.hablizawy.com
 
هل من جواب ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتدى حبلـيزاوي :: القسم العام :: الشعر والأدب :: ديوان قصائدي الشعرية الخاصة-
انتقل الى: