مـنتدى حبلـيزاوي
منتدى حبليزاوي يرحب بضيوفه الكرام
مـنتدى حبلـيزاوي
منتدى حبليزاوي يرحب بضيوفه الكرام
مـنتدى حبلـيزاوي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مـنتدى حبلـيزاوي

منتدى علمي ثقافي
 
الرئيسيةالبوابةالتسجيلأحدث الصوردخول
منتدى حبليزاوي يتمنى لجميع زواره دوام الصحة والعافية وقضاء أوقات سعيدة ومفيدة بالمنتدى
سبحان الله وبحمده عدد خلقه ورضا نفسه وزنة عرشه ومداد كلماته سبحان الله وبحمده سبحان الله العظيم
لا إلَهَ إلاَّ الله وحْدَهُ لا شَرِيكَ لَهُ، لَهُ المُلْكُ ولَهُ الحَمْدُ يحيي ويميت وهُوَ على كلِّ شيءٍ قَدير، سُبْحانَ الله والحَمْدُ لله ولا إله إلا الله والله أكبر ولا حَولَ ولا قُوةَ إلا بالله"

 

 أنا والبحر

اذهب الى الأسفل 
كاتب الموضوعرسالة
Mohamed Habliza
Admin
Mohamed Habliza


عدد المساهمات : 342
تاريخ التسجيل : 13/11/2010
العمر : 56
الموقع : بلدية البطائح - إمارة الشارقة - دولة الامارات العربية المتحدة

أنا والبحر Empty
مُساهمةموضوع: أنا والبحر   أنا والبحر Emptyالجمعة 28 أكتوبر 2016, 1:13 pm

أنا والبحـــر


أنا والبحر أحياناً بنتحاكى
ساعات نضحك وساعات كتير بنتباكى
وأكتر وقتنا دايماً بنتجادل ونتشاكى
ساعات أحكيله ع اللي بحسه جوايا
ويحكي هو ع اللي يشوفه برايا
وساعات أحس إن البحر دا مرايا
بتوصفني وأشوف فيها ضِلي وسمايا
لما أجوع ساعات يرميلي بُلطية
وساعات تانية يرميلي بِسَاريايه
ولما أعطش يقوللي يا ريت يا ريت أرويك
دنا المالح وأصل الملح جوايا
لا الذنب ذنبي لكن ملحي دا هوايه
حكاية البحر والله معايا دي حكاية
ف مرة قعدت على شطه وبحكيله على حالي
وفي مفاجأة بعلو الصوت زعق فِيَّا
وقاللي إسكت وسيبني أحكي أنا شوية
فقلت لنفسي أنا وماله أنا سامعك ويلا إحكي
شكالي البحر من ملحه ومن طرحه
شكالي كمان من اللي بيشوفه فوق سطحه
ومن موجه ومن زعابيبه ومن فرحه
حكالي كتير شكالي أكتر
وقال فيه ناس على خيره بتتبطر
وقاللي تعبت من اللي أنا شايله جوايا
إشي أخضر وإشي إسود وإشي أحمر
مراكب ماشية  فوق راسي بتتمختر
بترمي سمومها جوايا كمان وأكتر
مراكب ماشية عدمانه وشايلة الموت
محملة طاقة فوق طاقة وأنا مربوط
ولمَّا الحِمل يوم يتقل تقوم تغرق
يقولوا عليا أنا الجاني وأنا مظلوم
وكل دا وأنا ساكت
لحد سكوتي ما اتكلم معاك اليوم
دموع عيني كوت خدي من إللي حكاه
دا حتى شعوري تاه مني وعن حدي خرج معناه
وقُلت يا صاحبي ليه شايل هموم الكل ومخبي
جالك قلب ؟
جالك قلب يمر العمر دا كله وأنا صاحبك ومتقوليش
جالك قلب تسمعني وأنا بحكي وأنا بشكي ساعات وساعات متمنعنيش
مش إحنا أصحاب ؟
رُد عليا ريحني بأي جواب
فقاللي خلاص دي كانت عَبرة جوايا وفاض كيلها
فقلت أحكيها لصاحبي هيسمعني وسوى نشيلها
وأديني حكيت
ولما شُفت أنا دموعك على حكايتي أنا اتخضيت
أقولك حاجه يا صاحبي
ماتيجي نعيش
وننسى الشكوى والضيقة ولو ليومين
يومين إتنين
نعيش فيهم بدون كلمة ولا إشارة
ونكتب كل يوم شكوى على ورقة
ونكتب كل يوم قصة على حجارة
ولما يجي صيادي عشان يصطاد
أو حد يمشي على شطي كما المعتاد
لعله يشوف ويتطلع حكاوينا ويحكيها لكل الناس
يمكن تصحى جواهم مشاعرهم مع الإحساس
ونتمنى على المولى يجي التغيير
ونسمع بعض
وكل الناس تتعلم تخاف على بعض
تحب الخير وبعضيها يساعد بعض
ويلا يا صاحبي قوم روح كفاية عليك
سمعت كلامه جيت واقف وقايل له
على معادنا يا بحر الخير يا أحلى صديق
رد وقاللي وقت العوزه أنا جاهز ومستنيك
مفيش فيه غيرنا في الدنيا هيسمع بعض
مسحت دموعي بإيديا وقُلت سلام
على معادنا يا بحر الخير يا أحلى صديق
   كلماتي
محمد حبليزه
الرجوع الى أعلى الصفحة اذهب الى الأسفل
http://www.hablizawy.com
 
أنا والبحر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتدى حبلـيزاوي :: القسم العام :: الشعر والأدب :: ديوان قصائدي ومؤلفاتي الشعرية-
انتقل الى: