فداءً لرسولنا الكريم صلى الله عليه وسلم ونصرة له ولديننا الحنيف كتبت هذه الأبيات .
إلا رسولنا حبيبنا محمد
*******************
شارلي إيبدو الله يهده راسم صورة وبيتمسخر
فاكر نفسه يقدر يغلط يسب نبينا وبيتمنظر
عامل حمله يسب ويلعن وأنا بقوله كان غيرك أشطر
حب نبينا مأصل فينا وبعمايلكم بيزيد أكتر
لكن العيب مش كان على شارلي
العيب فينا .. ردودنا ضعيفة ..هُنَّا وهان علينا محمد
مات في بلادنا ضحايا كتير
بالإرهاب وبالتقصير
ناس بتموت من جهل وفقر
ناس بتموت من برق ورعد
وناس بتموت من كتر الجوع
وناس بتموت من كتر البرد
ما شوفناش مليون إجتمعوا من رؤساء وملوك الأرض
يمشوا ف شارع ولَّا ف حارة يشجبوا جهل ويصونوا عرض
مات 12 قامت الدنيا ومات ملايين في بورما وصِرب
أفغانستان لبنان يمن عراق ليبيا سوريا مصر
هو الدم بيفرق برضه بين الشرق وبين الغرب
ولَّا دينكم عندكم أغلى والإسلام يستاهل الضرب
يا عم شارلي انت وناسك ليه إختارتوا طريق الصعب
نبينا محمد هو حبيبنا نفديه بالروح وبأم وأب
ممكن نقبل أي إساءة إلا في ديننا تقوم الحرب
إلا رسولنا حبيبنا محمد لا تجرونا لهذا الدرب
وقت الجد قسماً عظماً ما هنخلي أيها فرد
ممكن يحلم أو يتخيل إنه يسب نبينا في عِرض
إحنا فداك يا رسول الله لو أجسادنا تحت الأرض
ثورة ف كل مكان في العالم يلا يا مسلم لبي الفرض
ثورة ف كل مكان في العالم يلا يا مسلم لبي الفرض
كلماتي
** محمد حبليزه **