يا بن الفقير يا بن الغفير… زمنك خلاص آخره وصل
لو كنت تعرف من زمان … إن الزمان راح يرفضك
لو كنت تعرف من زمان … إن الزمان راح يمرضك
لو كنت تعرف من زمان … إن الزمان ما هيسندك
كان كل واحد منكم … راح للزمان بشوال بصل
هتقولوا ليه بشوال بصل … علشان فقير معندوش عسل
أصل خلاص كل شئ خلاص حصل
اللي رقص خلاص وصل
واللي سرق خلاص وصل
واللي ارتشى بردو وصل
واللي صقف واللي نافق هو كمان علا ووصل
هي كده ماشيه كده واللي وصل خلاص وصل
لكن الفقير مظلوم ياعيني دا كل طقه له بصل
فطاااااار بصل .. غداااااااه بصل ..عشااااااه بصل
أصبح خلاص منين ما يمشي يفوح من جتته البصل
ومين يا ناس في الجو ده والهم ده يقدر يطيق ريحة البصل
إوعاك تقوللي الأغنيا
لأنهم علشان ما يبقوا أغنيا
لازم اللي زيي واللي زيك يفضل حقير
لازم اللي زيي واللي زيك يفضل فقير
لازم اللي زيي واللي زيك حلمه يادوب يبقى غفير
لأجل الغني يفضل غني ولأجل الفقير يفضل فقير
ماهو خلاص دا اللي حصل الغني بياكل عسل
لكن الفقير يا حسرته اللي بيدخل معدته هو البصل
إدعوا معايا الله يديم ع الفقير أكل البصل
لحسن في يوم يستكتروه
يحطوا قانون ويمنعوا إن الفقير ياكل بصل
بصل … بصل … بصل … بصل
كلماتي
*** محمد حبليزه ***