ولسه القلب
________________________
ولسه القلب متعشم في فرحة تهد أحزانه
فرحة بس تكون كبيرة تنسِّي القلب نسيانه
فرحة م اللي تخلي الدمع يخرج من جوه كتمانه
فرحة م اللي تخلي الدنيا حلوة وناسها حلوة
فرحة م اللي تخلي غُنانا ينشد أحلى غنوة
يا قلبي يا مجروح أسباب جراحك إيه
يكونش عشق جديد مترد قوللي إيه
في العشق ياما نصحتك إبعد بعيد عنه
عشقك ملوهش مثيل ياما إنكويت منه
والقلب لما بيعشق معشوقه يلعب بيه
يا قلبي يا متمعشق يا محير معاك عقلي
إبعد يا قلبي بعيد وأبداً ما ترجع ليه
كلماتي
محمد حبليزه